MilliÖN haqqında rəy

F

Fuad yazır:

Şikayətim MilliÖn (Komtec LTD)'dəndir. Belə ki, 23 mart 2020 tarixində Nərimanov metrosunun girişindəki MilliÖn aparatlarına yaxınlaşıb, başqasının Kapital Bank hesabına 1170 azn qoymağa çalışdım. Bütün məbləği aparata daxil etməyimə baxmayaraq, aparat ekranda yekun məbləği mənə 1070 azn kimi göstərdi. Yatırmalı olduğum məbləğ 1170 azn olduğu üçün məcburən 100 azn də əlavə etdim ki, hesab düz olsun və sonra MilliÖn'lə əlaqə saxlayıb pulumu geri alaram. Çünki MilliÖn'dəki problemin hesabına pul yatırdığım adama heç bir dəxli yoxdur. Sonda aparat 1170 azn'lik qəbz də verdi. Sonra MilliÖn'lə elaqə saxladım və aparatın 100 azn'imi götürüb, saymadığını dedim. Onlar da araşdırıb 3 gün ərzində xəbər verəcəyik dedilər. Həmin 3 gün oldu 10 gün, bir xəbər çıxmadı. Axırda özüm zəng etmişəm, deyirəm nə oldu sizin cavabınız ? Deyir biz zəng elədik siz acmadınız. Halbuki yalan danışırlar, çünki telefonum gecələr də daxil hər zaman açıqdır və mənə heç bir zəng gəlməyib. Hətta tesadüfən set olmasa belə, set olan kimi mənə qaçırtdığım zənglər barədə mütləq xəbərdarlıq mesajı gəlir. Nə isə nəticə o oldu ki, şifahi şəkildə dedilər "biz tərəfdən belə bir şey aşkarlanmayıb", vəssəlam. Biraz qışqır bağır saldıqdan sonra dedilər ki, yaxınlaşın ofisə, ərizə yazın! Getdim ofisə ərizə yazdım, yenə dedilər 3 iş gününə cavab çıxacaq. Üstündən yenə təxminən 10 gün keçdi, yenə də cavab yox. Yenidən zəng etdim, dedilər "araşdırırıq hələ, cavab verəcəyik..." Ustundən təxminən 5 gün də keçdi və cavab gəldi. Cavabı aşağıda sizə təqdim edirəm. Şəxsən məni bu cavab qətiyyən qane etmir. Cünki məktubdan da gördüyünüz kimi bu konkret yola verməkdir və heç bir qanuni, texniki əsaslanması yoxdur. Çünki məktubda araşdırmanı necə aparmaqları barədə heç bir məlumat verilmir, heç bir sübut, əsas, fakt da təqdim olunmayıb. Məktubdan belə başa düşürəm ki, ya icraçının əsaslı cavab hazırlamağa savadı çatmayıb, ya da ki müştərilərini konkret saymırlar, laqeyd münasibət göstərirlər. Cünki nə aparatdakı mənimlə bağlı "log" məlumatlarını məktuba əlavə etməyiblər, nə hər hansı mədaxil/məxaric çıxarışı yoxdur, nə sayğac məlumatları yoxdur, nə kamera görüntüləri yoxdur, nə aparatda yığılmış pulu götürən şəxsin şirkətlə təhvil-təslim aktı yoxdur, nə də hər hansı başqa əsaslı məlumat, araşdırma izahı.